प्रश्नः सरकारका अंगहरू कार्यपालिका, व्यवस्थापिका र न्यायपालिकाका कार्यहरू लेख्नुहोस् ।
कार्यपालिकाका कार्यहरू:
- देशको दैनिक शासन प्रशासन सञ्चालन गर्ने,
- वाह्य देशहरूसंग सम्वन्ध र सुरक्षा कायम गर्ने,
- आन्तरिक शान्ति सुरक्षा कायम गर्ने,
- राजश्व संकलन, परिचालन र विकासका लागि बाँडफाँड गर्ने,
- विकास कार्यक्रमहरू सञ्चालन गर्ने,
- कतिपय अर्धन्यायिक कार्यहरू सञ्चालन गर्ने,
- अध्यादेश र प्रत्यायोजित विधायन सम्वन्धी कार्य गर्ने,
व्यवस्थापिकाका कार्यहरू:
- जनताको प्रतिनिधित्व गर्ने,
- जनअपेक्षा बमोजिम कानुन निर्माण गर्ने,
- प्रधानमन्त्रीको निर्वाचन गरी सरकार गठनमा सघाउने,
- सरकारलाई जनअपेक्षा बमोजिम काम गर्न आवश्यक निर्देशन दिने,
- सरकार र मन्त्रीहरूले जनता समक्ष गरेका बाचाहरू पुरा गरे नगरेको सम्बन्धमा छानविन गर्ने,
- बजेट सम्बन्धी आवश्यक छलफल गरी पारित गर्ने,
- सरकारको स्वेच्छाचारी कार्यहरूमा नियन्त्रण आदि ।
न्यायपालिकाका कार्यहरू:
- विवाद र प्रश्नहरूको निश्चित गर्ने,
- विवादित प्रश्नहरूमा टुंगो लगाउने,
- कानूनको वैधतालाई संविधानको कसिमा जाँच्ने,
- कार्यविधि कानूनको निर्माण गर्ने,
- नजिर प्रतिपादन गर्ने,
- संविधानलाई अभिभावकीय रुप प्रदान गर्ने,
- प्रशासनिक निर्णयहरूको न्यायिक जाँच गर्ने,
- फौजदारी र देवानी न्याय प्रशासनको काम गर्ने,
- अदालतको जनआस्था बढाउने,
- न्यायिक निर्णयहरूको कार्यान्वयन गराउने,
- न्यायीक पुनरावलोकनको कार्य गर्ने,
- कानूनको व्याख्या गर्ने,
- विशेष अवस्थामा कानूनको निर्माण गर्ने ।
- विभिन्न लेख तथा आदेश जारी गर्ने
- कानुन र न्याय सम्वन्धी विषयमा अध्ययन, अनुसन्धान आदि ।
(२० वर्ष बढी प्रशिक्षण अनुभव रहेका प्रशिक्षक केशरनाथ अर्यालबाट)
